ಕೂಲಿ ಚಿತ್ರಕ್ಕೆ ಸೆನ್ಸಾರ್ ಮಂಡಳಿಯಿಂದ `ಎ’ ಸರ್ಟಿಫಿಕೇಟ್! ರಜನಿಕಾಂತ್ ನಟನೆಯ ಕೂಲಿ ಸಿನಿಮಾ ಆಗಸ್ಟ್ 14ಕ್ಕೆ ದೇಶದಾದ್ಯಂತ ತೆರೆಕಾಣಲು ರೆಡಿಯಾಗಿದೆ.
ಈ ಸಿನಿಮಾ ಈಗಾಗ್ಲೇ ಟೀಸರ್ ಹಾಗೂ ಹಾಡುಗಳ ಮೂಲಕ ತಲೈವ ಫ್ಯಾನ್ಸ್ಗೆ ಕ್ಯೂರಿಯಾಸಿಟಿ ಬಿಲ್ಡ್ ಮಾಡಿದೆ. ಸಿನಿಮಾ ನೋಡಿ ರಣಕೇಕೆ ಹಾಕಿ ಸಂಭ್ರಮಿಸೋಕೆ ರಜನಿ ಫ್ಯಾನ್ಸ್ ತುದಿಗಾಲಲ್ಲಿ ನಿಂತು ಕಾಯ್ತಿದ್ದಾರೆ.
ಲೊಕೇಶ್ ಕನಗರಾಜ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಸಿನಿಮಾಗೆ ಸೆನ್ಸಾರ್ ಮಂಡಳಿಯಿಂದ `ಎ’ ಸರ್ಟಿಫಿಕೇಟ್ ಸಿಕ್ಕಿದೆ.
ರಜನಿಕಾಂತ್ ನಟನೆಯ ಕೂಲಿ ಸಿನಿಮಾವಷ್ಟೇ ಅಲ್ಲ ಈ ಹಿಂದೆ 1982ರಲ್ಲಿ ತೆರೆಕಂಡ `ಪುದುಕವಿದೈ’ ಚಿತ್ರಕ್ಕೆ ಹಾಗೂ `ರಂಗ’ ಸಿನಿಮಾಗಳಿಗೆ `ಎ’ ಸರ್ಟಿಫಿಕೇಟ್ ದೊರೆತಿತ್ತು.
ನಂತರ 1985ರಲ್ಲಿ `ನಾನ್ ಸಿಗಪ್ಪು ಮನಿದನ್’ ಚಿತ್ರಕ್ಕೂ ಕೂಡಾ `ಎ’ ಸರ್ಟಿಫಿಕೇಟ್ ಸಿಕ್ಕಿತ್ತು. ಅದಾದ ಬಳಿಕ ಕೂಲಿ ಸಿನಿಮಾಗೆ `ಎ’ ಸರ್ಟಿಫಿಕೇಟ್ ಸಿಕ್ಕಿರೋದು.
ಲೊಕೇಶ್ ಕನಗರಾಜ್ ನಿರ್ದೇಶನದ ಈ ಸಿನಿಮಾದಲ್ಲಿ ವೈಯಲೆನ್ಸ್ ಹಾಗೂ ಡ್ರಗ್ಸ್ ಮಾಫಿಯಾ, ರಕ್ತಪಾತದ ಸೀನ್‌ಗಳಿರುವ ಕಾರಣದಿಂದಾಗಿ ಚಿತ್ರಕ್ಕೆ `ಎ’ ಸರ್ಟಿಫಿಕೇಟ್ ನೀಡಿದೆಯಂತೆ ಸೆನ್ಸಾರ್ ಮಂಡಳಿ.
ನಟ ಉಪೇಂದ್ರ, ನಾಗಾರ್ಜುನ, ಸತ್ಯರಾಜ್, ಶೃತಿ ಹಾಸನ್ ಸೇರಿದಂತೆ ಅತಿದೊಡ್ಡ ತಾರಾಗಣ ಈ ಸಿನಿಮಾದಲ್ಲಿದೆ.