ಆಸ್ಟ್ರೋನೊಮರ್ ಸಿಇಒ ತಬ್ಬಿಕೊಂಡಿದ್ದ ಮಹಿಳೆ -ಡಿವೋರ್ಸ್‌ ಕೊಟ್ಟ ಪತಿ!ವಾಷಿಂಗ್ಟನ್: ಕಾರ್ಯಕ್ರಮವೊಂದರಲ್ಲಿ ಆಸ್ಟ್ರೋನೊಮರ್ ಕಂಪನಿಯ ಸಿಇಒ ಮತ್ತು ಹೆಚ್‌ಆರ್‌ ತಬ್ಬಿಕೊಂಡು ವಿವಾದಕ್ಕೆ ಸೃಷ್ಟಿಸಿದ್ದ ಪ್ರಕರಣಕ್ಕೆ ಮತ್ತೊಂದು ತಿರುವು ಸಿಕ್ಕಿದೆ.
ಘಟನೆಯಾದ 1 ತಿಂಗಳ ಬಳಿಕ ಹೆಚ್‌ಆರ್‌ ಆಗಿದ್ದ ಮಹಿಳೆ ಮತ್ತು ಆಕೆಯ ಪತಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ.
ಜುಲೈ 16 ರಂದು, ಬೋಸ್ಟನ್‌ನಲ್ಲಿ ನಡೆದ ಕೋಲ್ಡ್‌ಪ್ಲೇ ಸಂಗೀತ ಕಚೇರಿಯಲ್ಲಿ ಆಸ್ಟ್ರೋನೊಮರ್ ಸಿಇಒ ಆಂಡಿ ಬೈರನ್ ಮತ್ತು ಕಂಪನಿಯ ಹೆಚ್‌ಆರ್‌ ವಿಭಾಗದ ಮುಖ್ಯಸ್ಥೆ ಕ್ರಿಸ್ಟನ್ ಕ್ಯಾಬೋಟ್ ಅವರನ್ನು ತಬ್ಬಿಕೊಂಡಿದ್ದ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ಈ ಪ್ರಕರಣ ವಿಶ್ವದಾದ್ಯಂತ ವಿವಾದಕ್ಕೆ ಕಾರಣವಾಗಿತ್ತು.
ಪ್ರಕರಣ ಏನು?
ಬ್ರಿಟಿಷ್ ಬ್ಯಾಂಡ್‌ನ ಪ್ರದರ್ಶನದ ಭಾಗವಾಗಿ, ಕಿಸ್ ಕ್ಯಾಮ್ ಬೈರನ್ ಮತ್ತು ಕ್ಯಾಬೋಟ್‌ರನ್ನು ಉದ್ದೇಶಿಸಿ ಮಾತನಾಡಲಾಯಿತು. ಈ ವೇಳೆ ಅವರಿದ್ದ ಕಡೆಗೆ ಕ್ಯಾಮೆರಾ ಹಿಡಿಯಲಾಯಿತು. ಆಗ, ಕ್ಯಾಬೋಟ್ ಅವರನ್ನು ಬೈರನ್ ತಬ್ಬಿಕೊಂಡಿದ್ದರು.
ಇಬ್ಬರೂ ದಂಪತಿಯಂತೆ ನಿಂತಿದ್ದು ಕಂಡುಬಂತು. ತಮ್ಮ ವೀಡಿಯೋ ಪ್ರದರ್ಶನವಾಗುತ್ತಿದ್ದಂತೆ ಇಬ್ಬರೂ ಮುಜುಗರಕ್ಕೆ ಒಳಗಾದರು. ಈ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ಚರ್ಚೆ ಹುಟ್ಟುಹಾಕಿತು. ನಂತರ ಇಬ್ಬರೂ ತಮ್ಮ ಸ್ಥಾನಗಳಿಗೆ ರಾಜೀನಾಮೆ ನೀಡಿದರು.
ಘಟನೆಯಾದ ಒಂದು ತಿಂಗಳ ಬಳಿಕ ಹೆಚ್‌ಆರ್‌ ಮಾಜಿ ಮುಖ್ಯಸ್ಥೆ ಕ್ರಿಸ್ಟನ್ ಕ್ಯಾಬಟ್‌ಗೆ ಆಕೆಯ ಪತಿ ಆಂಡ್ರ್ಯೂ ಕ್ಯಾಬಟ್‌ ವಿಚ್ಛೇದನ ನೀಡಲು ಮುಂದಾಗಿದ್ದಾರೆ. ಆ.13 ರಂದು ನ್ಯೂ ಹ್ಯಾಂಪ್‌ಶೈರ್‌ನ ಪೋರ್ಟ್ಸ್‌ಮೌತ್‌ನಲ್ಲಿರುವ ನ್ಯಾಯಾಲಯದಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ.
ಘಟನೆ ಬಳಿಕ ದಂಪತಿ ಸಂಬಂಧ ಹದಗೆಟ್ಟಿತ್ತು. ಆಂಡ್ರ್ಯೂ ತನ್ನ ಹೆಂಡತಿಯ ಅಕ್ರಮ ಸಂಬಂಧದ ಬಗ್ಗೆ ತಿಳಿದಾಗ ನೊಂದುಕೊಂಡಿದ್ದರು. ಅಲ್ಲದೇ, ವಿಚಾರ ಎಲ್ಲೆಡೆ ವೈರಲ್‌ ಆದಾಗ ಮತ್ತಷ್ಟು ಮುಜುಗರಕ್ಕೆ ಒಳಗಾಗಿದ್ದರು.