Chahal; ಚಹಲ್‌ಗೆ ಟಕ್ಕರ್ ಕೊಟ್ಟ ಮಾಜಿ ಪತ್ನಿ ಧನಶ್ರೀ! ಕ್ರಿಕೆಟರ್ ಯಜುವೇಂದ್ರ ಚಹಲ್ (Yuzvendra Chahal) ಹಾಗೂ ಧನಶ್ರೀ ವರ್ಮ (Dhanashree Verma) ವಿವಾಹವಾಗಿ ಕೆಲವೇ ವರ್ಷಗಳಲ್ಲಿ ದೂರ ಆಗಿದ್ದಾರೆ.
ಇಬ್ಬರೂ ವಿಚ್ಛೇದನ ಪಡೆದ ಸುದ್ದಿ ಬಾರೀ ಸಂಚಲನವನ್ನ ಮೂಡಿಸಿತ್ತು. ವಿಚ್ಛೇದನದ ವೇಳೆ ಕೋರ್ಟ್‌ಗೆ ಹಾಜರಾದ ದಿನ ಕ್ರಿಕೆಟರ್ ಚಹಲ್ ತಮ್ಮ ಟಿ-ಶರ್ಟ್ ಮೇಲೆ ಕಾಣಿಸಿದ ಸಾಲುಗಳ ಬಗ್ಗೆ ಮಾಜಿ ಪತ್ನಿ ಧನಶ್ರೀ ಮೌನ ಮುರಿದಿದ್ದಾರೆ.
ಆ ಸಾಲುಗಳ ಬಗ್ಗೆ ಮಾತಾಡಿರುವ ವಿಡಿಯೋ ಜಾಲತಾಣದಲ್ಲಿ ಸಖತ್ ವೈರಲ್ ಆಗ್ತಿವೆ.
ಚಹಲ್ ಕೋರ್ಟ್‌ಗೆ ಹಾಜರಾದ ದಿನ ತಮ್ಮ ಟಿ-ಶರ್ಟ್ ಮೇಲೆ `ಬಿ ಯುವರ್ ಓನ್ ಶುಗರ್ ಡ್ಯಾಡಿ’ (Be Your Own Sugar Daddy) ಎಂಬ ಸಾಲಿರುವ ಟಿ-ಶರ್ಟ್ನ ಧರಿಸಿ ಬಂದಿದ್ದರು.
ಈ ಸಾಲುಗಳ ಅರ್ಥ `ನಿಮ್ಮ ಅಗತ್ಯತೆಗಳು ಮತ್ತು ಆಸೆಗಳಿಗಾಗಿ ಶ್ರೀಮಂತ ವ್ಯಕ್ತಿಯನ್ನು ಅವಲಂಬಿಸುವ ಬದಲು ಆರ್ಥಿಕವಾಗಿ ಸ್ವತಂತ್ರರಾಗಿ ಮತ್ತು ಸ್ವಾವಲಂಬಿಯಾಗಿ’ ಎಂಬ ಅರ್ಥವನ್ನು ಈ ಸಾಲುಗಳು ನೀಡುತ್ತವೆ.
ಚಹಲ್ ಧರಿಸಿದ್ದ ಟಿ-ಶರ್ಟ್ನ ಈ ಸಾಲುಗಳ ಬಗ್ಗೆ ಧನಶ್ರೀ ಖಾರವಾಗಿಯೇ ಪ್ರತಿಕ್ರಿಯೆ ನೀಡಿದ್ದಾರೆ.
ಕೆಟರ್ ಚಹಲ್ ಮಾಜಿ ಪತ್ನಿ ಧನಶ್ರೀ ವರ್ಮ ಹೇಳಿರುವ ಮಾತುಗಳು ಸಖತ್ ಸದ್ದು ಮಾಡ್ತಿವೆ. `ಆ ನಿರ್ದಿಷ್ಟ ದಿನದಂದು ನೀವು ಹೇಗೆ ವರ್ತಿಸುತ್ತೀರಿ ಎಂಬುದರ ಆಧಾರದ ಮೇಲೆ ನೀವು ಯಾರು ಎಂಬುದು ಗೊತ್ತಾಗುತ್ತದೆ.
ಸಂಸಾರದಲ್ಲಿ ಒಳ್ಳೆಯ ದಿನಗಳು ಮತ್ತು ಕೆಟ್ಟ ದಿನಗಳು ಇರುತ್ತವೆ. ಆದರೆ, ದಾಂಪತ್ಯ ಕೊನೆಗೊಂಡಿದೆ ಎಂದರೆ ಆ ದಿನಗಳು ನಿಜವಾಗಿಯೂ ಕೆಟ್ಟದಾಗಿತ್ತು ಎಂದೇ ಅರ್ಥ.
ಆ ವೇಳೆ ನೀವು ಪ್ರಬುದ್ಧರಾಗಿ ನಡೆದುಕೊಳ್ಳಬೇಕು. ನಿಮಗೆ ಮೆಸೇಜ್ ಕೊಡಬೇಕು ಎಂದಿದ್ದರೆ ವಾಟ್ಸಾಪ್ ಮಾಡಬಹುದಿತ್ತಲ್ಲ’ ಎಂದು ಧನಶ್ರೀ ಹೇಳಿದ್ದಾರೆ.
ಖಾಸಗಿ ಸಂದರ್ಶನದಲ್ಲಿ ಧನಶ್ರೀ ವರ್ಮ ಆಡಿದ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿವೆ. ಈ ಮೂಲಕ ಧನಶ್ರೀ ಚಹಲ್‌ಗೆ ಟಾಂಗ್ ಕೊಟ್ಟಿದ್ದಾರೆ.